حبيبه كرشي الملوخيه ممممممممم

المقادير

1- ملوخية يابسة

2- صدور دجاج

3- توم مقشر ( 10 حبات )

4- ماجي ( مكعبين)

5- زيت او سمنة ( حسب الرغبة )

6- ماء الدجاج ( المرئة المغلية من سلق الدجاج )

7- كزبرة يابسة

8- ملح



الطريقة :

اول شي بنغلي صدور الدجاج مرتين اول مرة للتظيف وتاني مرة مشان تطلع معنا المرئة مشان الطبخ
بننئع الملوخية في المي لمدة 5 دقائق بعديم بنحطها في المصفاية مشان تنشف
بعد ما يغلي الدجاج بنئطعو لقطع صغار بنحطو ع جنب وكمان بنقطع النوك لقطع صغيرة المهم بلا طول سيرة لاني جوعان كتير
بنجيب الطنجرة وبنحط فيها سمنة + التوم + الفروج + مكعبين ماجي + مع شوية ماء من ماء الفروج المغلي نستنى عليهم لمدة 5 دقائق كمان
بعدين بنسكب الملوخية الناشفة وبنحركها مع ملح وشوية كزبرة يابسة لا ما بنكتر كزبرة
بضيف فوقها ماء الفروج وبتركها تغلي لمدة 20 دقيقة
طبعا كل شوي بنورح بنضيف شوية مي مغلي فوقها لانو بتنشف
بعد 20 دقيقة بتطلع معنا الملوخية الاصلية ممممممممممم

طبعا انا هاي طريقتي في عمل الملوخية كل حدا عندو طريقة خاصة بس هاي الطريقة المعروفة والاسهل
ولا مانع من صحن رز جنب الاكل ة

ملاحظة هامة هامة جدا ( لاتنسو الليمون الحامض جدا )

الف الف صحة وهنا على ئلبكون

ملوخية ما بحبها

ممممم
تيب
مشكور عامرورك

ههههههههههههه بحب الاكل الشامي

مشكور عامرورك بس لما بتدوقا رح تحبا